عمرى محل واغصون الاحلام يباس 
الوقت يحمى والامانى طباشير
الخاطر الى منكسر كسرة الكاس
مايجبره دمع العيون المحاجير
مالت بى الايام واسقونى الناس
سمٍ يحز الكبد مثل المناشير
مثل الضحيه لانثنت بين الامواس
قامت تماعطنى وجيه المحاقير
اصغرهم الى لاكنى بين الاضراس
اكبرهم الى حدنى بالبواتير
يارب عبدك لا تخليه للياس
لاتتركه بيد الزمن والمقادير
يالله اذا خليتنى عند الادماس
من لى الياصكت على الدياجير
من غير وجهك يحتمينى الياجاس
شىٍ يتل القلب قبل المعاذير
جيتك وانا خجلان وموطي الراس
انا وذنبي والمأسي طوابير
عفوك سماحك رحمتك مالها قياس
ياغايث النمله ويارازق الطير
يالله سقها الى ذعاذيع نساس
فى ساعة هبت علي المعاصير
علمت روحى بالألم حبس الانفاس
حافى ورجلى فوق روس المسامير
لو بسحب الردونى على درب الادناس
لابنى قصورا مابنوها المشاهير
عمر الحديده ماستوت قيمة الماس
لو حطو الجورى بروس المواسير
مامن مرق مجنون ياطابخ الفاس
مثل الذى يبغى من العفن تقدير
الحب ماله درب بقلوب الا نجاس
حتى بفوح العطر من نافخ الكير
العرق يجذب لو تجاهلت دساس
عرّب وليدك يانسيب المعاثير
ياعل يمنا ماسعت لاي نوماس
تقطع على صم الصخر بالسواطير
جر القلم حبره على صدر قرطاس
يالله ياللي تذبح الشر بالخير
يالله جرنى من هوا عطر الانفاس
الي ولاني مثل وليت مقاصير
ازرع ويذبح زرعتى بين الاغراس
ابني ويهدم مابنيته بتكسير
اهديه حب وياسمينه والماس
يهدينى االكتان والرمل والجير
طالق من ارقبتى على درب الاتعاس
بينونة كبرى ولامن مخاسير
مات العزيز الشهم من قبل ينداس
جعل الجسد بفواه عوج المناقير
يالى تشوف لاحال لاقلت لاباس
تراك توجعنى وانا حالى بخير
ليست هناك تعليقات:
إرسال تعليق